Како работи garderober.mk

Ако продаваш

1. Чекор 1

   Сликај го парчето

   Облечи го или закачи го на закачалка, на чиста позадина и на дневна светлина. Две-три слики од различни страни се доволни. Ако има дамка или е оштетено сликај го и тоа. Подобро е купувачот да го види однапред отколку да се разочара потоа.

2. Чекор 2

   Објави го огласот

   Напиши што е парчето, кој број е, од каков материјал и зошто го продаваш. Избери категорија, состојба, град и цена. Огласот оди на брз преглед кај нас, обично до 24 часа и најдоцна два дена. Штом е одобрен, добиваш мејл и огласот ќе го видиш на сајтот.

3. Чекор 3

   Договори се со купувачот

   Купувачот може да ти пристапи на неколку начини.

   1. 1. Нарачај веднаш - остава податоци за достава, ти го праќаш парчето по карго.
   2. 2. Изнајми веднаш - кај огласите за изнајмување, ти праќа договор со датуми, а ти го прифаќаш или одбиваш.
   3. 3. Понуди размена - ти нуди свое парче наместо пари.
   4. 4. Предложи цена - бара поинаква цена од твојата.
   5. 5. Порака - прашува за бројот, состојбата или материјалот.

   Ти одлучуваш што прифаќаш. Плаќањето и испораката си ги договарате вие.

Ако купуваш

1. Чекор 1

   Најди го тоа што го бараш

   Пребарај по име, бренд или збор од описот, или прелистувај по категории. Филтрирај по град, големина и цена за да не се губиш низ сè што е објавено.

2. Чекор 2

   Прочитај го огласот внимателно

   Во огласот стојат состојбата, големината, материјалот, бојата и градот на продавачот. Разгледај ги сите слики. Ако нешто не ти е јасно, прашај пред да се договориш.

3. Чекор 3

   Договори се со продавачот

   Имаш повеќе начини. Можеш да нарачаш веднаш преку огласот и да ги оставиш податоците за достава, па продавачот ти го праќа парчето по брза пошта (карго). Можеш да понудиш размена за свое парче, да предложиш поинаква цена или само да испратиш порака со прашање пред да се одлучиш. Ако сте во ист град, најбезбедно е лична средба и проверка на парчето на лице место.

Изнајмување

Свечен фустан, венчаница или костум за една вечер можеш да изнајмиш од некој што го има, а своето парче можеш да го издаваш наместо да ти стои во плакарот.

Ако издаваш

1. Чекор 1

   Објави оглас во „Се изнајмува“

   Сликај го и опиши го парчето како за секој друг оглас, само избери категорија од групата „Се изнајмува“, на пример Жени → Венчаница или Фустан, или Мажи → Костум.

2. Чекор 2

   Ти стига договор

   Кога некој ќе кликне „Изнајми веднаш“, пополнува договор со своите податоци и датумите од–до. Го добиваш на мејл, во Пораки и во Профил → „Изнајмување“.

3. Чекор 3

   Прифати или одбиј

   Ако прифатиш, на сликите од огласот стои „Издадено“ и „Слободно од“ со датумот на враќање. Кога ќе помине тој датум, огласот сам станува слободен. Ако го издадеш на друг начин, кликни „Издадено до…“ на огласот во Профил → Мои огласи, а „Слободно сега“ ја трга ознаката.

Ако изнајмуваш

1. Чекор 1

   Избери парче

   Погледни во „Изнајми фустан“ и „Изнајми венчаница“ или во групите „Се изнајмува“ во другите категории. Провери ги бројот, состојбата и градот.

2. Чекор 2

   Кликни „Изнајми веднаш“

   Пополни го договорот: име, телефон, мејл, град и од кој до кој датум ти треба. Со него се согласуваш парчето да го вратиш на време и во иста состојба, чисто, неоштетено и комплетно, и да ја покриеш штетата ако ја има.

3. Чекор 3

   Договорете се и врати го на време

   Кога издавачот ќе прифати или одбие, добиваш мејл. Преземањето, плаќањето и депозитот ги договарате директно меѓу вас, garderober.mk не е страна во договорот. Парчето го враќаш во иста состојба до договорениот датум.

Прашања што ги добиваме најчесто